برار هره گوره، ها بزونه/کرگ و طلا ونگ و وا بزونه/هره بور شه کار سر کشکودیم په/بال صنور، مرگو و استلِ سر په/کشتیفنگ ره بئیر ش جیب دله/شاید جیکا بوینی راه دله/نماشون زمین فوتبال یاد نشوئه/آقوز بازی یا جابجا یاد نشوئه/شوپه شومبی اِما امشو سبیل بن؟/سیب زمنی ره بکنیدم از خاک بن/دست خی ره اِما از پشت دونیدم/سیب زمنی بخریم و خیلی بخندیم/کِشتی و آق دوقی یاد نشوئه یاد/سیمان نال سر، بازی، یاد نشوئه یاد/آقوز کش بن یشتمی تا کس نوره/علی( خدابیامرز سبزعلی وچه) ره مواظب! آقوز نوره( کنایه از: چپو نکنه)/یاد دره کوه سرما سرسره بازی /از بالا تا پایین کردمی خربازی/چو(ب) سَر، سوار بیمی تا بنه نخریم/لباس تیل نوه، سره چونخریم/برف گنده ساتمی و کپل کردمی/ات کسه زومی و خنده کردمی/حمومِ عمومی، یادش بخیر باد/چند تا پشته زومی، یادش بخیر باد/عزداری اونجه چنده صفا داشته/کلکنار و پشرت چنده صفا داشته/سینه زومی سینه شو تا صوایی/حسین حیسن کردمی چند صبحگاهی/علم گردش شیمی مله به مله/اشکم پر کاردمی، راستش ش مله/گوسفند همرا شیمی یعضی موقع ها/چرا دامی گوکّه چشمه سراها/اسب جه کود وردمی مرگوسراها/اون سرجه، کَه، یاردمی کیلون سراها/کنوا دنبال شیمی صبح تا نماشون /شاید بیه امه زمینِ میون/گسه کج کاردمی خواهش کاردمی/امه جو ره بزن خله کار دارمی/عروسی شیمی، گوشت خوردنی شو/بورده بورده، کتک کا تا نصف شو/غافل از خود نویمی ای برار جان/فیلسوف بیمی نهایت ای برار جان/هرکه گونه فیلسوف لنگ چوبین بیه/اشتباه کنده و شه بی تمکین بیه